«Илдар Хановның асылташлары»: SMART-киңлек (12+)

Шәһәр үзәк китапханәсенең сәнгать бүлеге балалар һәм аларның интеллектуаль, иҗади үсеше өчен SMART-киңлек оештырды. 

Балалар танылган монументчы, сынчы һәм рәссам Илдар Ханов иҗаты белән танышты. Үзенчәлекле кеше турында китап күргәзмәсе һәм Чаллы буенча юл күрсәткечләр тәкъдим ителде. Аның сыннар композицияләре шәһәрнең визит карточкасы булып тора. Хановның абстракт сын композицияләре уйланырга, тиңнәрен эзләргә мәҗбүр итә, балалар чара барышында шуның белән шөгыльләнде. «Метеорит», «Ангел-хранитель», «Энергия» сыннары белән төсле смальтадан өч зур панно ясау очрашуның мавыктыргыч этабына әйләнде.